देशभर पश्चिमी र स्थानीय वायुको आंशिक प्रभाव, पहाडी भू-भागमा आंशिक बदली र हल्का वर्षाको सम्भावनादेशभर पश्चिमी वायु र स्थानीय वायुको आंशिक प्रभाव कायम रहेको जल तथा मौसम पूर्वानुमान महाशाखाले जनाएको छ।
शनिबार बिहान कोशी प्रदेश लगायत देशका पहाडी भू-भागमा आंशिक बदली देखापरेको छ भने कोशी प्रदेशका एक-दुई स्थानमा हल्का वर्षा भइरहेको छ।
शनिबार दिउँसोका लागि गरिएको पूर्वानुमान अनुसार, कोशी प्रदेश, गण्डकी प्रदेश, कर्णाली प्रदेश र सुदूरपश्चिम प्रदेशका पहाडी क्षेत्रमा आंशिक बदलीको सम्भावना रहेको छ। बाँकी भू-भागमा भने आंशिक बदलीदेखि मौसम मुख्यतया सफा रहने अपेक्षा गरिएको छ।
महाशाखाका अनुसार, कोशी, गण्डकी, कर्णाली, र सुदूरपश्चिम प्रदेशका पहाडी क्षेत्रमा मेघ गर्जन/चट्याङ्ग सहित छिटपुटदेखि हल्का वर्षाको सम्भावना छ।