यस्तो छ आजको सुनको मूल्य, हेर्नुहोस् कतिमा हुँदैछ कारोबार

काठमाडौं – बुधबार सुनको भाउ तोलामा ३ सय रुपैयाँले वृद्धि भएको छ। नेपाल सुनचाँदी व्यवसायी महासंघका अनुसार आजका लागि प्रतितोला सुनको मूल्य १ लाख ६८ हजार ५ सय रुपैयाँ निर्धारण गरिएको छ, जुन अघिल्लो दिनको १ लाख ६८ हजार २ सय रुपैयाँभन्दा ३ सय रुपैयाँले बढी हो।

आजको सुनको मूल्य

कात्तिक १५ गते सुनको भाउले ऐतिहासिक उचाइ लिँदै प्रतितोला १ लाख ७१ हजार रुपैयाँ पुगेको थियो। यसैबीच, चाँदीको मूल्य भने घटेको छ। बुधबार प्रतितोला चाँदीको मूल्य १५ रुपैयाँले घटेर २ हजार १५ रुपैयाँमा झरेको छ, जुन अघिल्लो दिन २ हजार ३० रुपैयाँ थियो।