आज मिति: २४ कार्तिक २०८१, शनिवार, तिथि: कार्तिक शुक्ल अष्टमी, नक्षत्र: श्रवण!
आजको दिन ग्रहहरूको चालले केही राशिलाई अनुकूल वातावरण प्रदान गर्नेछ भने केहीलाई सामान्य वा चुनौतीपूर्ण परिस्थिति सिर्जना गर्न सक्छ। आउनुहोस्, आजको राशिफल हेरौँ:
मेष (चू, चे, चो, ला, ली, लू, ले, लो, आ)
आज सामाजिक जिम्मेवारी प्राप्त हुनेछ। भाग्यले विभिन्न अवसर दिलाउन सक्छ। अध्यात्मभाव जागृत हुनाले परोपकारमा मन जानेछ। धेरैले कामको तारिफ गर्नेछन्। शुभचिन्तकहरूले साथ दिनाले पहिलेको चुनौती समाप्त होला। दाम, इनाम र प्रतिष्ठा कमाउने बेला छ। मेहनतले पदीय जिम्मेवारी दिलाउनेछ। विशेष अवसर प्राप्त हुनाले मन प्रफुल्लित हुनेछ।
वृष (ई, ऊ, ए, ओ, वा, वी, वू, वे, वो)
समस्याप्रति गम्भीर नबन्दा दु:ख पाइनेछ। कामको चाप बढ्नेछ भने वादविवादले मन खिन्न तुल्याउनेछ। स्वास्थ्यका लागि व्यायाम र खानपानमा ध्यान पुर्याउनुहोला। बाध्यात्मक परिस्थितिले सताए पनि मध्याह्नपछि स्थितिमा सुधार आउनेछ। प्रयत्न गर्दा भौतिक सुविधाका वस्तुहरू जुट्नेछन्। पछिसम्म फाइदा हुने कामको जग बसाउने अवसर प्राप्त हुनेछ।
मिथुन (का, की, कु, घ, ङ, छ, के, को, हा)
आफन्त र परिवारजनलाई धेरै समय दिनुपर्ने हुन सक्छ। आश्वासन दिनेहरूले प्रतिबद्धता पूरा नगर्न सक्छन्। हल्लाको भरमा अरूको विश्वास गर्दा धोका पाइनेछ। व्यवहारमा समस्या देखिए पनि वादविवादबाट टाढा रहनुहाेला। साँझदेखि कामको चाप बढ्नेछ भने गोपनीयता बाहिरिनाले समस्या पर्न सक्छ। सावधानीले धेरै समस्या सुल्झाउन सफल भइनेछ।
कर्कट (ही, हु, हे, हो, डा, डी, डु, डे, डो)
हिम्मत गर्दा जटिल काम समेत सम्पादन हुनेछ। पुरुषार्थद्वारा प्रतिस्पर्धीहरूलाई पछि पार्न सकिनेछ। पहिले दुश्मनी गर्नेहरूले पनि मित्रताका हात अघि बढाउनेछन्। मिहिनेतले नयाँ अवसर दिलाउन सक्छ। साँझतिर कामबाट फुर्सद पाइनेछ। रमाइलो यात्रा गर्ने साइत जुर्नेछ। अतिथिका रूपमा मानसम्मान प्राप्त होला। टाढिएका साथीभाइसँग भेटघाट हुनेछ।
सिंह (मा, मी, मु, मे, मो, ता, टी, तु, ते)
शुभचिन्तकहरूको साथ प्राप्त हुनुका साथै सुखद समाचारले दिन उत्साहपूर्ण रहनेछ। पढाइको लगावले बौद्धिक क्षेत्र फराकिलो बन्नेछ। लेखन कलामा पनि निखारता आउनेछ। रोकिएका काम बन्नाले नयाँ कामतर्फ अग्रसर भइनेछ। साँझतिर विवादास्पद काममा हात हाल्दा आलोचित बन्नुपर्ला। स्वास्थ्यमा केही कमजोरी र काममा पनि खर्चको समय रहनेछ।
कन्या (टो, पा, पी, पू, ष, ण, ठ, पे, पो)
परिस्थितिअनुसार चल्न नसक्ता दु:ख पाइनेछ। विश्वासपात्रबाट धोका हुन सक्छ, सजग रहनुहोला। समयमा निर्णय लिन नसक्दा काम राेकिन सक्छ। मध्याह्नपछि स्थितिमा सुधार आउनाले नयाँ कामतर्फ अग्रसर भइनेछ। साथीभाइकाे सहयाेग जुट्नेछ। सुखद समाचारले उत्साह जगाउनेछ। अध्ययनले नयाँ गति लिनेछ। लेखन कलामा पनि निखारता आउनेछ।
तुला (रा, री, रु, रे, रो, ता, ती, तु, ते)
चिताएको काममा बिहानै जुट्नुहाेला, सोचेजस्तै सफलता मिल्नेछ। सहयाेगीहरूले साथ दिनेछन् र प्रतिस्पर्धीहरूले समेत सहयोगका हात फैलाउनेछन्। दाजुभाइमा आत्मीयता बढ्नेछ। दिउँसाेदेखि विश्वासिला व्यक्तिहरूले धाेका दिने हुँदा काम राेकिन सक्छ। सानाे कमजोरी सच्याउन काम दोहोर्याउनुपर्ला। धेरै नजिकिनेहरूले पनि सताउन सक्छन्।
वृश्चिक (तो, ना, नि, नु, ने, नो, या, यि, यु)
अध्ययनमा प्रगति हुनेछ। लेखन तथा सिर्जनात्मक कामबाट ख्याति मिल्नेछ। सहयोगीहरूले साथ दिनेछन् र चिताएकाे काम सम्पादन हुनेछ। आयआर्जनका नयाँ स्रोत फेला पर्नेछन्। व्यवसायतर्फ पहिलेकाे उपलब्धिले थप काम गर्न हाैसला मिल्नेछ। साँझतिर बिनाकारण साथीभाइ टाढिन सक्छन्। सानाे हडबडीले समस्या निम्त्याउन सक्छ, सजग रहनुहाेला।
धनु (ये, यो, भा, भी, भु, ध, फ, ढ, भे)
आज दैनिक कार्यमा प्रगति हुनेछ। धार्मिक तथा समाजसेवामा मन लाग्नेछ। लगनशीलताले कामहरू अगाडि बढ्नेछन्।
मकर (भो, जा, जी, जु, जे, जो, ख, क्ष, खि)
महिला वा मित्रबाट विशेष सहयोग मिल्नेछ। स्वादिष्ट भोजन पाइनेछ। वैदेशिक क्षेत्रको काम अघि बढ्नेछ। कुटुम्बको सहयोग मिल्नेछ।
कुम्भ (गु, गे, गो, सा, सी, सु, से, सो, दा)
झन्झटिलो काममा संलग्न हुनुपर्ने समय छ। आफूलाई कमजोर भएको अनुभूति हुनेछ। नजिकका व्यक्तिबाट धोका हुने र अवसर गुम्न सक्नेछ।
मीन (दी, दू, थे, दो, चा, ची, चु, चे, चो)
आज रोकिएका अधुरा कामहरू पुरा हुनेछन्। मङ्गल कार्यको योजना बन्ने योग छ। चिन्ता छाडेर मनन चिन्तन गर्ने समय छ। तपाईंको दिन शुभ रहोस्!