राप्ती नदीले बगाउँदा १६ वर्षीया युवतीको गयो ज्यान

दाङ, राजपुर गाउँपालिका-३ कालिपुरूवाकी १६ वर्षीया विद्यावती यादवको राप्ती नदीले बगाउँदा मृत्यु भएको छ। बुधबार बेलुकी सवा ६ बजे लमही नगरपालिका-८ बाट घर फर्कंदै गर्दा विद्यावती भौँसी तार्ने क्रममा नदीमा बगेर बेपत्ता भएकी थिइन्।

बि हीबार बिहान करिब साढे ८ बजे उनको शव लमही-८ धनपुरूवास्थित राप्ती नदीमा फेला परेको जिल्ला प्रहरी कार्यालय दाङका डिएसपी इश्वर थापाले जानकारी दिए। थापाका अनुसार, विद्यावतीको भौँसी मात्र घर पुगेपछि परिवारले उनको खोजीकार्य सुरु गरेका थिए।प्रहरीले घटनाबारे थप अनुसन्धान जारी राखेको छ।