रूकुम पश्चिमको एक होटेलमा एक महिला मृत अवस्थामा फेला परेकी छिन् । मुसीकोट नगरपालिका १, खलंगास्थित सत्कार होटेलमा अन्दाजी ३० वर्षीया मुसीकोट-७ भावना विकको शव फेला परेको हो ।
जिल्ला प्रहरी कार्यालयमका सूचना अधिकारी धर्मेन्द्र खड्काका अनुसार मृत महिलाको पहिचान खुलेको छैन । होटेलको कोठामा सिरकले छोपेको अवस्थामा आज बिहान शव फेला परेको खड्काले बताए।
उक्त कोठा आइतबारदेखि त्रिवेणी गाउँपालिका ठेगाना भएका भनिएका विकास केसीको नाममा बुक गरिएको पनि बताइएको छ ।घटनाबारे थप जानकारी अनुसन्धानपछि मात्रै थाहा लाग्ने भन्दै प्रहरीले घटनाबारे अनुसन्धान गर्न कुकुरसहितको टोली आउन लागेको जानकारी दिएको छ ।