नदीमा डुबेर शुक्रबार कैलालीमा दुई बालकको मृत्यु भएको छ । इलाका प्रहरी कार्यालय सुखडका डीएसपी वीरेन्द्र विश्वकर्माका अनुसार बर्दगोरिया गाउँपालिका–६ का ६ वर्षीय दिप्सन मल्ल र ७ वर्षीय आयुष मल्लको बिहीबार साँझ स्थानीय काँडा नदीमा डुबेर मृत्यु भएको हो।
उनीहरू साँझ साढे ५ बजेतिर गाउँनजिकै रहेको नदीमा नुहाउन गएका थिए । दुवै जनाको शव नदीमा पानी जमेको गहिरो भागमा भेटिएको प्रहरीले जनाएको छ ।