बर्दिया मधुवन नगरपालिका-३ मा खोलाले बगाउँदा एक महिलाको मृत्यु भएको छ । शनिबार दिउँसो खोला तर्ने क्रममा बगेर मधुवन-२ की अन्दाजी २६ वर्षीया रविना चौधरीको मृत्यु भएको जिल्ला प्रहरी कार्यालय, बर्दियाका एसपी सुशीराज शाहीले बताए ।
राजापुर नगरपालिका-१० दमार गाउँमा रविना चौधरी आफ्नी बहिनीको घर जाँदा उक्त घटना भएको हो,’ एसपी शाहीले भने, 'उनीसँग २८ वर्षीय श्रीमान् सुशील र छोरी ३ वर्षीया सानु सँगै थिए, खोला तर्दा रविना चिप्लिएर बगेको प्रारम्भिक अनुसन्धानमा देखिएको छ ।
डुबेको स्थानबाट करिब २ सय मिटर दुरीमा उनको शव फेला परेको छ । घटनालगत्तै नेपाल प्रहरी र सशस्त्र प्रहरीको टोलीले शव फेला पारेको प्रहरीले जनाएको छ ।