![](https://blogger.googleusercontent.com/img/b/R29vZ2xl/AVvXsEh27F3W4zqRsVYxjFNiZZkqJWSNzBWu8AVOHhwfWXE90XItWaqwtpAdQBJidlqXiOIh_CgyRk35l_M96Tnrw7E_8uVYIAwK-E1AHVLVDCTrwTivgdK6wE_ISJyWEEzseGgiFzVMPwbfruLaDMZKW0HrpIT69NomHvW4CYeokkg_XEpFYqCflKOz9e-5/s16000/snakebite-3.jpg)
बैतडीको पञ्चेश्वर गाउँपालिका-४ मा सर्पको टोकाइबाट किशोरीको मृत्यु भएको छ । सर्पको टोकाइबाट पञ्चेश्वर फ्याउलीकी १६ वर्षीया अनिता चन्दको मृत्यु भएको हो ।
पञ्चेश्वर गाउँपालिका उपाध्यक्ष बिना भट्टका अनुसार महिनावारी भएको बेला गोठमै सुतिरहेको अवस्थामा अनितालाई मंगलबार राति सर्पले टोकेको र बुधबार बिहान उनको मृत्यु भएको हो । गोठमा सुतेकी अनितालाई मंगलबार मध्यराति सर्पले टोकेको थियो । अनिता जवलपुर मावि सैलोडामा अध्ययनरत रहेको उनले बताइन् ।