ट्रयाक्टर दुर्घटना हुँदा : एकको मृत्यु, ५ घाइते

पाल्पाको माथागढी गाउँपालिका-२ रुप्से सपाङ्दीमा सोमबार बेलुका ट्रयाक्टर दुर्घटना हुँदा एक जनाको मृत्यु भएको छ भने ५ जना घाइते भएका छन् ।

सिद्धार्थ राजमार्गको बाँसटारी-झडेवा सडकको भित्री सडक खण्डमा भएको दुर्घटनामा माथागढी–२ रुप्से दोहोराका ३८ वर्षीय वेदप्रसाद भुषालको मृत्यु भएको जिल्ला प्रहरी कार्यालय पाल्पाले जनाएको छ । उपचारका क्रममा उनको लुम्बिनी मेडिकल कलेजमा मृत्यु भएको हो ।

दुर्घटनामा घाइते माथागढी-२ रुप्सेकै ३६ वर्षीय रिपबहादुर सारु, ४४ वर्षीय गोविन्दबहादुर सारु, ३० वर्षीय नरध्वज सारु, २५ वर्षीय सरोज सारु र ३५ वर्षीय टोपबहादुर सारुको लुम्बिनी मेडिकल कलेज प्रभासमा उपचार भरहेको प्रहरीले जनाएको छ ।

माथागढीको झडेवाबाट ग्याबिङ जाली बोकेर रुप्से आउँदै गरेको लु४त ६६३२ नम्बरको ट्रयाक्टर आफैं अनियन्त्रित भइ सडक छेउको पिल्लरमा ठक्कर खाइ सडक छेउमा पल्टिएको हो ।

Post a Comment

Previous Post Next Post