बाढीले बगाएर ल्याएको दाउरा निकाल्न नदीमा फसेपछि बेपत्ता भएका एक जनाको शव फेला परेको छ । कैलालीको गोदावरी नगरपालिका ९ धनचौरीका ४० वर्षीय रत्न प्रसाद भट्टराईको शव फेला परेको हो ।
जिल्ला प्रशासन कार्यालय कैलालीका अनुसार उनी बुधबार घर नजिकैको खुटिया नदीमा दाउरा निकाल्न भनी घरबाट निस्केका थिए ।
तर नफर्किएपछि उनको खोजी गरिएको थियो ।उनको आज बिहान पानी जमेको खल्लामा शव फेला परेको जिल्ला प्रशासन कार्यालय कैलालीका सूचना अधिकारी शिवराज जोशीले जानकारी दिए ।