तेह्रथुमको म्याङलुङ नगरपालिका–९ मा मोटरसाइकल दुर्घटना हुँदा दुई जनाको मृत्यु भएको छ ।
आइतबार अपरान्ह ५ बजेतिर भएको दुर्घटनामा परी मोटरसाइकलमा सवार म्याङलुङ नगरपालिका–८ का २४ ववर्षीय सविन लिम्बू र २९ वर्षीया संगम तामाङको मृत्यु भएको हो ।
को १४ प ८९२ नम्बरको रातो रङको पल्सर मोटरसाइकल म्याङलुङ जिरिखिम्ती सडकखण्डमा मोटरसाइकल पैदलयात्रीलाई जोगाउने क्रममा अनियन्त्रित भई दुर्घटनामा परेको जिल्ला प्रहरी कार्यालय तेह्रथुमका सूचना अधिकारी प्रहरी निरीक्षक विद्यासागर मेहताले जानकारी दिए ।
दुवै जनाको शव पोस्टमार्टमको लागि जिल्ला अस्पताल तेह्रथुममा राखिएको प्रहरीले जनाएको छ ।