म्याग्दी – ३ महिनाअघि वैदेशिक रोजगारीका लागि रोमानियामा गएका एक नेपालीको मृ°त्यु भएको छ । मृ°त्यु हुनेमा म्याग्दीको रघुगंगा गाउँपालिका–६ रायखोरका ३३ वर्षीय देवेन्द्र पुन रहेका छन् ।
उनी पैसा कमाएर घर परिवारलाई सुखसँग पाल्ने सपना बोकेर ३ महिनाअघि मात्र रोमानिया पुगेका थिए । उनको टिमिसोरा शहरको भिजेजदियानजिक बानट मेलन एग्रिकल्चर कम्पनीमा काम गर्ने क्रममा मेसिनमा च्यापिएर मृ°त्यु भएको बताइएको छ ।
पुनको दिउँसो करिब ३ बजे आलु टिप्ने क्रममा मेसिनको बेल्टमा च्यापिँदा ज्यान गएको जनाइएको छ। उनको मृ°त्यु पछि उनको परिवार गहिरो शोकमा डुबेको छ ।
उनका बुवाआमा, दाजुहरू, पत्नी र एउटा ६ महिने शिशुसहित दुई छोरा छन्।पुनको श°व नेपाल ल्याउन पहल भइरहेको रघुगंगा गाउँपालिका–६ का वडाध्यक्ष मनकुमार शेरपुञ्जाले बताए।