रोल्पामा छोराले आफ्नै बुबाको हत्या गरेका छन्।त्रिवेणी गाउँपालिका–४ का २३ वर्षीय सन्दीप घर्तीले पिर्काले हानेर ५४ वर्षीय बुबा मानसिंह घर्तीको हत्या गरेका हुन्।
आज बिहान ९ बजे घरको भान्सा कोठामा बसेर जाँडरक्सी खाइरहेका उनीहरुबीच घरायसी कुरामा विवाद हुँदा सन्दीपले पिर्काले हानेका थिए ।
काठको पिर्काले टाउकोमा हान्दा मानसिंहको घटनास्थलमै ज्यान गएको प्रहरीले जनाएको छ। प्रहरीले सन्दीपलाई पक्राउ गरी घटनाबारे थप अनुसन्धान सुरु गरेको छ।