काठमाडौं । पोखरामा २५ वर्षीया अस्मिता खत्रीको शव फेला परेको छ । अस्मिता शुक्रबार मृ’त अवस्थमा फेला परेको प्रहरीद्वारा जारी विज्ञप्तिमा उल्लेख छ ।
पोखरा महानगरपालिका–२२ स्थित फेवातालमा उनको शव फेला परेको प्रहरीले उल्लेख गरेको छ ।अस्मिताको स्थायी घर रामेछापमा पर्छ ।
उनी हाल काठमाडौंमा बस्दै आएकी थिइन् ।अस्मिता गत आइतबार फेवा तालमा डुङ्गामा चढीरहेको अवस्थामा लाईफ ज्याकेट खोली पौडी खेल्ने क्रममा बेपत्ता भएकी थिइन् ।
उनको वडा प्रहरी कार्यालय बैदाम र डि.एम.गोताखोर समेतको संयुक्त टोलीले खोजी गर्ने क्रममा शव फेला पारेको प्रहरीले जनाएको छ ।
उता, पर्वतको मोदी गाउँपालिका–६ तिलाहारस्थित खेतमा वतन नखुलेकी ४५ वर्षीया बल सुब्बा गुरुङ शुक्रबार मृत अवस्थामा फेला परेकी छिन् ।