गण्डकी प्रदेशका कानुनमन्त्री एवं कास्की २(ख) का उम्मेदवार विन्दुकुमार थापा पैसा बाँड्दा बाँड्दै समातिएका छन् । मध्यरातिको समयमा पैसा बाँढ्न आएको भन्दै थापा समातिएका छन् ।
पोखरा–१६ बाटुलेचौरको गन्धर्व बस्तीमा उनलाई स्थानीयले साँझ साढे सात बजे नियन्त्रणमा लिएका हुन् ।उनलाई सुरक्षा रोहबरमा आजलाई छोडिएको बताइएको छ ।
कास्की २ का मुख्य निर्वाचन अधिकृत दयाराम अधिकारीले बिहीबार थप छलफल गर्ने बताएका छन् । एमालेका स्थानीय नेताले निर्वाचन आचारसंहिता उल्लंघनको आरोपमा थापाविरुद्ध बिहीबार उजुरी दिने तयारी गरेका छन् ।