बाराको सिमरास्थित जगदम्बा स्टिलमा कार्यरत एक मजदुरको सवारी दुर्घटनामा मृत्यु भएको छ । शनिबार राति जगदम्बा स्टिलमा कार्यरत करैयामाई गाउँपालिका-५ का ४० वर्षीय रामसुरच चौधरीको मृत्यु भएको हो ।
इलाका प्रहरी कार्यालय सिमराका प्रमुख प्रहरी नायव उपरीक्षक युवराज तिमल्सिनाका अनुसार ट्रकको ठक्करबाट गम्भीर घाइते भएका चौधरीलाई बिरगञ्जस्थित नारायणी उपक्षेत्रीय अस्पतालमा पठाइएको थियो । अस्पताल पुर्याइए लगत्तै चिकित्सकले उनलाई मृत घोषणा गरेका थिए ।
जगदम्बा स्टिलभित्र प्रवेश गर्न सडक छेउमा राखिएको प्रदेश २ ०३१६ नम्बरको लहरी ट्रकले सर्भिस लेनमा मजदुरलाई ठक्कर दिएको थियो । न्युज कारखाना
यो पनि / लोकप्रिय भिडियो प्लेटफर्म टिकटकमा लाइभ गर्नका लागि अब १८ वर्ष पुगेको हुनुपर्नेछ । टिकटकले लाइभस्ट्रिमिङको लागि न्यूनतम उमेर १६ वर्षबाट बढाएर १८ वर्ष बनाएको छ । यो नियम आगामी महिनाबाट लागू हुनेछ ।
हालै बीबीसीले गरेको खोजका क्रममा सिरियाली शरणार्थी शिविरहरुबाट सयौंको संख्यामा बालबालिकाले टिकटकमा लाइभ गरेर आर्थिक सहयोग मागिरहेको तथ्य पत्ता लगाएको थियो । त्यसरी लाइभ आए सहयोग माग्नेहरुले घण्टामै एक हजार डलरसम्म कमाउने गरेका थिए । तर उनीहरुले त्यसरी संकलन गरेको रकम झिक्ने क्रममा टिकटकले ७० प्रतिशतसम्म रकम लिएको थियो ।
टिकटकका अनुसार अब अर्को महिनादेखि टिकटकमा केवल बालिगहरुले मात्रै लाइभस्ट्रिमिङ गर्न, भर्चुअल गिफ्ट पठाउन वा अकाउन्टलाई मनिटाइजेसन गर्न सक्नेछन् । साथै भविष्यमा बालिगहरुले मात्रै देख्न सक्ने गरी समेत लाइभ स्ट्रिमिङ गर्न सकिनेछ । यद्यपि टिकटकले उमेरमा लगाएको उक्त पावन्दी कसरी कार्यान्वयन गर्छ भन्ने कुरा प्रष्ट भएको छैन ।
स्मरण रहोस्, फेसबुक र इन्स्टाग्रामको माउ कम्पनी मेटा र युट्युबको गुगल कम्पनीले प्रयोगकर्ताका लागि लाइभ स्ट्रिमिङ गर्न पाउने न्यूनतम उमेर १३ वर्ष तोकेका छन् । त्यस्तै प्रयोगकर्ताले उमेरको हदबन्दी लगाउने गरी सामग्री अपलोड गर्न समेत पाउँछन् ।
बीबीसीको ग्लोबल डिसइन्फर्मेसन युनिटले पछिल्लो पाँच महिना उत्तर–पश्चिमी सिरियाबाट सञ्चालित ३०० टिकटक अकाउन्टको निगरानी गरेको थियो । टिकटकको नियमानुसार टिकटक लाइभमा आएर सिधै गिफ्ट वा रकम माग्न पाइँदैन र बालबालिकाको दुरुपयोग गर्ने, हानि गर्ने वा खतरामा पार्ने काम पनि गर्न पाइँदैन । तर सिरियाली शरणार्थी क्षेत्रका ती टिकटक अकाउन्टहरुमा बच्चाहरुलाई माग्न लगाइएको थियो । टिकटकले त्यस्ता अकाउन्टमाथि प्रतिबन्ध समेत लगाइसकेको छ ।
त्यस्ता खालका सामग्रीहरुलाई टिकटकमा अनुमति नदिइने भन्दै डिजिटल गिफ्टबाट कम्पनीले असुल गर्ने कमिसन ७० प्रतिशत भन्दा निकै कम रहेको टिकटकले दाबी गरेको छ । तर डिजिटल गिफ्टबाट आफूले असुल्ने कमिसन रकम चाहिं टिकटकले खुलाएको छैन ।
विश्वको सबैभन्दा तीव्र गतिमा विस्तार भइरहेको सोसल मिडिया एप टिकटक हालसम्म ३ अर्ब ९० करोड पटक डाउनलोड भइसकेको छ । सन् २०१७ यता टिकटकले एपभित्रै गरिएको खर्चबाट ६ अर्ब २० करोड डलर आम्दानी गरिसकेको छ