सोलुखुम्बुको थुलुङ दुधकोशी गाउँपालिका– ७ देउसा खिलुको एक घरमा आगलागी हुँदा १५ लाख बढीको क्षति भएको छ । आज बिहान करिब साडे ४ बजे स्थानीय इन्द्र बहादुर बस्नेतको घरमा आगलागी हुँदा १५ लाख बराबरको क्षति भएको जिल्ला प्रहरी कार्यालय सोलुखुम्बुका सुचना अधिकारी ज्ञान बहादुर माझीले जानकारी दिनुभयो ।
आगलागीबाट बस्नेतको ढुङ्गा माटोले बनेकोे ३ तले घर सहित सो भित्र भएका अन्नपात, भाडावर्तन, लत्ताकपडा लगायतका सामाग्री जलेर नष्ट भएको छ । २ महिना अगाडी देखि बिजुली बिग्रिएका कारण बिजुली सर्ट भएर आगलागी भएको हुन सक्ने प्रहरीले अनुमान गरेको छ । प्रहरी र स्थानीयको सहयोगमा आगो नियन्त्रणमा लिएको छ ।