यात्रुबाहक बस र कार ठोक्किँदा कम्तीमा छ जनाको मृत्यु हुनाका साथै अन्य १० जनाभन्दा बढी घाइते भएको अधिकारीहरूले जानकारी दिएका छन् ।प्रान्तको नारोवाल जिल्लाको शकरगढ सडकखण्डमा बस चालकलेओभरटेक
गर्ने क्रममा नियन्त्रण गुमाएर कारलाई ठक्कर दिँदा उक्त दुर्घटना भएको जिल्ला प्रहरी अधिकारी नारोवाल रिजवान ओमेर गोण्डलले सिन्ह्वालाई बताएका छन् ।मृत्यु हुनेमा सबै कारका यात्रु रहेका छन् भने बसमा सवार १० जना घाइते भएका छन् ।यसै बीच जिल्लामा हालै आएको भारी वर्षाका कारण तीव्र गति र चिप्लो सडकका कारण दुर्घटना बढ्दै गएको छ ।
घटनालगत्तै उद्धार टोली र प्रहरी घटनास्थलमा पुगेर घाइतेहरूलाई नजिकैको अस्पतालमा पुर्याएको छ । घाइतेमध्ये केहीको अवस्था गम्भीर रहेको बताइएको छ ।पाकिस्तानमा मुख्यतया खराब सडक र कम गुणस्तरीय सवारी साधनका कारण सडक दुर्घटना हुने गरेको बताइन्छ ।
पञ्जाबमा छुट्टाछुट्टै कारबाहीमा ६ आतङ्ककारी पक्राउ
पाकिस्तानको पूर्वी पञ्जाब प्रान्तमा छुट्टाछुट्टै कारबाहीमा छ जना आतङ्ककारीलाई पक्राउ गरिएको पाकिस्तानी प्रहरीको काउन्टर टेररिज्म डिपार्टमेन्टले शनिबार स्थानीय सञ्चारमाध्यमलाई बताएको छ।पञ्जाबको सीटीडीका अनुसार प्रहरीले लाहोर, गुजरनवाला र रावलपिंडी शहरहरूमा अपरेसनहरू सञ्चालन गरेका थियो।आतङ्ककारीहरूबाट हतियार, गोलाबारुद र विभिन्न विस्फोटक उपकरणहरू समेत बरामद गरिएको प्रहरीले उल्लेख गरेको छ ।