सिन्धुलीमा बिहेको जन्ती बोकेको टिफर दुर्घटना हुदाँ २ जनाको मृत्यु भएको छ । अन्य २८ जना घाईते भएका छन् ।घाईते मध्ये ६ जनाको अवस्था गम्भिर रहेको छ ।
दुधौली नगरपालिका ५ सिर्थौलीको बाढी गाउँबाट उदयपुरको कटारी तर्फ जन्ती लिएर जादै गरेको ना ३ ख ७४९० नम्बरको टिफर सिर्थौली नजिकै ठाकुर खोला पुलमा दुर्घटना भएको हो । दुर्घटनामा परी उदयपुरको कटारी नगरपालिका २ का २४ बर्षका अजय दनुवार र सोही ठाउँका १९ बर्षका दिपेन्द्र कुवँर मृत्यु भएको जिल्ला प्रहरी कार्यालय सिन्धुलीका प्रमुख प्रहरी उपरिक्षक विमलराज कंडेलले जानकारी दिनुभयो ।
टिफरमा जम्मा २८ जना सवार रहेका थिए । प्रहरी उपरिक्षक कडेलका अनुसार टिफरमा सवार एक जनालाई भने कुनै चोट लागेको छैन । १० जनाको सामान्य उपचार पछि डिस्चार्ज भइसकेका छन् । ७ जनालाई उपचारका लागि विराटनगरको न्यूरो अस्पतालमा पठाइएको छ।
एक जना कटारी सगरमाथा अस्पतालमा उपचारत, दुइ जनालाई उपचारका लागि काठमाडौँ पठाइएको र दुइ जना सिन्धुली अस्पतालमा उपचार भइरहेको एसपि कडेलले जानकारी दिनुभयो ।घाइते मध्ये ६ जनाको अवस्था गभिर छ । टिफर चालकले दिएको जानकारी अनुसार मोटसाइकललाई बचाउने क्रममा पल्टिएको उहाँले बताउनुभयो ।