कपिलवस्तुको कृषि, पर्यटन तथा औधोगिक प्रदर्शनीमा रहेको डुङ्गा पिङ दुर्घटना हुदा १४ जना घाइते भएका छन् । डुङ्गा पिङ शुक्रबार साँझ दुर्घटना भएको प्रहरीले जनाएको हो।
ईलाका प्रहरी कार्यालय पिपराले दिएको जानकारी अनुसार ३ जनालाई उपचारको लागि बुटवल ल्याइँदै छ । अन्य घाइतेलाई उपचारका लागि कपिलवस्तु सामुदायिक अस्पतालमा लगिएको छ ।‘सक्षम व्यवसायी समृद्ध राष्ट्र र स्वाधीन अर्थतन्त्र’ भन्ने मुल नाराका साथ महोत्सव चैत्र ३ देखि सुरु भएको थियो ।गम्भीर घाइते हुनेमा बाणगंगा नगरपालिका वडा नम्बर १ का अर्जुन क्षेत्री।
सिर्जना थारु र कपिलवस्तु नगरपालिका वडा नं. ९ का आकृति खनाल रहेका छन् ।यसै गरी सामान्य घाइते हुनेमा शितगंगा नगरपालिका २ मनीषा क्षेत्री, बाणगंगा नगरपालिका वडा नं. ४ का आशिका बिसी, अञ्चल पुन, बम बहादुर क्षेत्री, वडा नं.८ का सीमा खत्री, महिमा चौधरी, सिर्जना सुनार, वडा नं. ९ का कृष्ण घर्ती मगर रहेका छन् ।