नलगाड नगरपालिका ३ चावलेचौर कि १४ बर्षिया बालिकाको झुण्डिएर मृत्यु भएको छ । आइतबार घरबाट दाउरा लिन जंगल गएकी १४ बर्षिया सावित्री बिकले आफ्नो भाईलाई झुण्डिएको फोटो खिच्न लगाएर आत्म हत्या गरेकी छिन् ।
उनका भाई १२ बर्षीय बिरेन्द्र बि क संगै दाउरा लिन घरबाट बेलुकी ५ बजे निस्केकी थिइन् । घर बाट निस्केपछि उनीहरु साढे ५ बजे पानिखोला पुगेको र भाईलाई आफ्नो मोबाइल दिएर झुण्डिएको फोटो खिच्न भनेर काफलको रुखमा उनी झुण्डिन पुगेकी थिइन् ।
फोटो खिच्न भुईमा बसेका भाईले हेर्दा हेर्दै उनको झुण्डिएर मृत्यु भएको छ । उनका भाईका अनुसार दिदीले झुडिएको फोटो खिच्न भनेको र भोलिपल्ट आफुलाई श्रदान्जली लेखेर फेसबुकमा हाल्न भनेकी थिइन् ।
ख्याल ठट्टामा उनले आफ्नो भाई कै अगाडि प्राण त्याग गरेकी छिन । सावित्रीका २ जना दिदी १ जना दाई र १ जना भाई छन् । उनले आफ्ना भाईलाई यस्तो भनेर कसरी आत्म हत्या गरिन् भन्ने कुरा भने खुल्न सकेको छैन ।