आज (बुधबार) धेरै दिनपछि ह्वात्तै घट्यो सुनको भाउ, चाँदी पनि घट्यो

काठमाण्डाै – लगातार बढेर तोलामा ९६ हजार सात सय रुपैयाँमा पुगेको सुनको भाउ आज भने घटेको छ । आज तोलामा सुन १६ सय रुपैयाँले घटेर ९५ हजार एक सय रुपैयाँमा झरेको छ ।

हिजो तोलामा १२ सय र गएको आइतबार १५ सय रुपैयाँले बढेको थियो । आज चाँदीको भाउ पनि घटेको छ । हिजो तोलामा १३ सय २० रुपैयाँ रहेको चाँदी आज १२ सय ८५ रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।